Şalva Papuaşvili: “Bizdə sübut var ki, xarici maliyyə ölkədə destabilizasiya üçün istifadə olunurdu”
"Gürcüstanda fəaliyyət göstərən bir sıra təşkilatlar xarici maliyyə hesabına inqilabi proseslərə hazırlıq aparırdılar."
InterPress.ge xəbər verir ki, Parlamentin sədri Şalva Papuaşvili QHT rəhbərlərinin Prokurorluğa çağırılması məsələsinə münasibət bildirib.
Onun sözlərinə görə, əsas sübut ABŞ-ın yeni administrasiyasının mövqeyidir:
“Bizim əsas sübutumuz ABŞ-ın yeni administrasiyasının bəyanatıdır – xarici maliyyə başqa ölkələrin destabilizasiyası üçün istifadə olunurdu. Buna görə də həmin təşkilatların, o cümlədən USAID-in fəaliyyətinə son qoyuldu. Yeni administrasiya USAID-i dələduz təşkilat adlandırdı. Bizim sübutlarımız var ki, USAID-in maliyyəsi ilə ‘Canvas’ təlimçilərinin köməyi ilə parlamentin mühasirəyə alınması, polisə müqavimət göstərilməsi və digər hərəkətlərə gənclər hazırlanırdılar. Yəni dəqiq bilirik ki, müəyyən mərhələdə xarici maliyyə ilə QHT-lərin vasitəsilə inqilabi proseslərə hazırlıq aparılırdı,” – deyə Papuaşvili vurğulayıb.
Spiker bildirib ki, Gürcüstan Konstitusiyası yalnız sülh mitinqlərini qoruyur, zorakı aksiyaları isə qanunsuz hesab edir:
“Kiminsə deyə bilməsi ki, parlamentin yandırılması cəhdi, ‘Molotov kokteyli’ndən istifadə, pirotexnikanın polisə atılması zorakılıq deyildi – absurddur. Bu, açıq şəkildə zorakı aksiyalar idi. Belə hallarda polis təkcə hüquqlu deyil, həm də öhdəliyi var ki, bu cür aksiyaların qarşısını alsın,” – deyə o qeyd edib.
Papuaşvili həmçinin ISFED rəhbərinin açıqlamasına toxunaraq bildirib ki, QHT-lərin maliyyəsinin nəyə xərcləndiyi araşdırılmalı idi:
“İndi ortaya çıxıb ki, Avropa İttifaqının maliyyəsi aksiyalarda iştirakçılara polisə qarşı daha çox müqavimət göstərmək üçün qoruyucu avadanlıq paylanmasına yönəldilib. Bunu ISFED rəhbəri özü etiraf edib. Şok doğuran isə odur ki, bu faktların araşdırılacağına ümid etmək əvəzinə, bəzi səfirliklər və donor qurumlar əksinə, Gürcüstan ədliyyəsini ittiham edirlər. Bu, çox narahatedici haldır,” – deyə parlament sədri bildirib.
