Gürcüstanda bu tarixdə qeyri-iş günü elan edildi

Gürcüstan hökumətinin qərarına əsasən, 29 avqust ölkədə qeyri-iş günü elan olunub.

InterPress.ge xəbər verir ki, bu barədə hökumət administrasiyası məlumat yayıb.

Baş nazir İrakli Kobaxidzenin imzaladığı qərara görə, bu qayda Gürcüstan Milli Bankının nəzarəti altında olan qurumların maliyyə öhdəliklərinə şamil olunmur.

Bundan əlavə, qərar o xidmətlərə və əməkdaşlara da aid deyil ki, onların vəzifələrinin icrası təxirəsalınmaz və zəruri xarakter daşıyır.