Tina Bokuçava: “Vizaların ləğvi təhlükəsi realdır, vətəndaşlar zərər görməsin deyə alternativ yollar axtarırıq”

"İvanişvilinin rejimi Avropa Komissiyasının irəli sürdüyü şərtləri yerinə yetirmək niyyətində deyil və bu, Gürcüstan vətəndaşları üçün Şengen zonasına vizasız səyahət hüququnun itirilməsi təhlükəsini reallaşdırır."

InterPress.ge xəbər verir ki, bu barədə “Milli Hərəkat” partiyasının sədri Tina Bokuçava bildirib. 

Onun dediyinə görə, əsas məqsəd daxili təzyiqin gücləndirilməsi ilə yanaşı, xarici təzyiqin də elə formalarının tapılmasıdır ki, bu prosesdə Gürcüstan vətəndaşları zərər çəkməsinlər.

“İvanişvilinin rejimi Avropa Komissiyasının irəli sürdüyü şərtləri yerinə yetirmir. Bu, utopiyadır və buna diqqət yetirmək əsassızdır. Vizasız rejimin itirilməsi təhlükəsi tamamilə realdır. Biz Avropa İttifaqının üzv dövlətləri ilə, xüsusilə də “Vaymar üçbucağı”na daxil olan ölkələrlə – Almaniya, Fransa və Polşa ilə fəal şəkildə işləyirik ki, Gürcüstan vətəndaşları bu imkandan məhrum olmasın. Paralel olaraq, İvanişvilinin rejiminə təzyiq göstərmək üçün başqa çıxış yolları axtarırıq. Bu gün bizim əsas vəzifəmiz daxili təzyiqin artırılması ilə yanaşı, elə xarici təzyiq mexanizmlərinin tapılmasıdır ki, bu prosesdə vətəndaşlar zərər görməsinlər”, – deyə Tina Bokuçava bildirib.