İrakli Kobaxidze: “Ali təhsil sahəsində fundamental islahatların həyata keçirilməsi planımız var”

"Hökumətin ali təhsil sahəsində fundamental islahatlar aparmaq planı var və bunun üçün hazırlanmış konsepsiya yaxın gələcəkdə ictimaiyyətə təqdim olunacaq."

InterPress.ge xəbər verir ki, İrakli Kobaxidze  bu barədə Şota Mesxia adına Zuqdidi Dövlət Universitetinin yeni tədris korpusunun açılışında çıxışı zamanı danışıb.

Onun sözlərinə görə, yeni konsepsiyada regional universitetlər, o cümlədən Şota Mesxia Universiteti xüsusi yer tutacaq.

“Ən əsas prioritetlərdən biri regional universitetlərin imkanlarının davamlı və genişmiqyaslı inkişafı olacaq. Növbəti illərdə bu universitet üçün də çoxlu yeniliklər nəzərdə tutulur. Əminəm ki, Zuqdidi Universiteti yeni infrastrukturla gələcəkdə də ölkəmizdə yüksək ixtisaslı nəslin yetişdirilməsinə böyük töhfə verəcək. Bu universitetin ölkəmizin birləşməsi adlanan ümumi məqsədimizin həyata keçirilməsində xüsusi rolu var. Arzu edirəm ki, vahid Gürcüstanda bu universitet çox mühüm vəzifəni yerinə yetirsin və gələcək nəsilləri yetişdirsin”, – deyə Kobaxidze vurğulayıb.