Saakaşvili: “Tramp-Zelenski danışıqları iki aşiqin görüşünə bənzəyirdi – Putin Zelenski ilə görüşməyə razılaşıb, çünki başqa çıxış yolu yoxdur”

"Vaşinqtonda Tramp və Zelenski arasında baş tutan danışıqlar “iki aşiqin görüşünə” bənzəyirdi."

InterPress.ge xəbər verir ki, bu sözləri Gürcüstanın üçüncü prezidenti Mixeil Saakaşvili ABŞ-da keçirilən görüşləri şərh edərək bildirib.

Onun sözlərinə görə, görüşün əsas mövzusu Ukraynaya ABŞ və Avropanın hərbi müdafiə təminatlarının verilməsi olub və tərəflər bu barədə razılığa gəliblər. Bu isə NATO-nun 5-ci maddəsinə bənzər müdafiə təminatının əldə olunması deməkdir.

Saakaşvilinin fikrincə, Rusiya prezidenti Vladimir Putinin Zelenski ilə görüşməyə razılaşmasının başqa alternativi yoxdur:

“Rusiyanın büdcəsində tarixdə ən böyük kəsir yaranıb. Cəbhədə ruslar irəliləyə bilmir, əksinə indi hücumda Ukraynadır. Putin sadəcə çalışır ki, müharibənin bitməsi onun məğlubiyyəti kimi görünməsin”.

O əlavə edib ki, bu vəziyyət istənilən halda “əsrlər ərzində Rusiyanın ən böyük məğlubiyyəti” kimi tarixə düşəcək və bölgədə ciddi dəyişikliklərə yol açacaq.