Poniçala yolunda ağır yol qəzası baş verdi - Yaralılar var

Rustavi-Tbilisi yolunun Poniçala hissəsində yol-nəqliyyat hadisəsi baş verib. Rustavi meriyasının verdiyi məlumata görə, qəza nəticəsində xəsarət alan olsa da, ölən yoxdur.

İlkin məlumatlara əsasən, sementdaşıyan yük maşını Rustavi bələdiyyəsinə məxsus sərnişin avtobusuna çırpılıb. Qəza nəticəsində, o cümlədən avtobusun sürücüsü də daxil olmaqla 9 nəfər xəstəxanaya yerləşdirilib.

Hazırda Rustavi meri Nino Latsabidze zərərçəkənlərə tibbi yardım göstərilən tibb müəssisəsindədir. Meriya xəsarət alan hər bir şəxsə maksimum dəstək göstərəcəyini bildirib.

Hadisənin səbəblərinin müəyyən olunması üçün araşdırma aparılır.