İrakli Kobaxidze: “Kaxa Kaladze ilk turda qalib gələcək, 60%-dən yuxarı nəticə tamamilə realdır”

Gürcüstanın Baş naziri İrakli Kobaxidze hesab edir ki, Kaxa Kaladze Tbilisi meri seçkilərində birinci turda qalib gələcək və onun üçün 60%-dən yüksək nəticə tamamilə real görünür.

Baş nazir jurnalistlərə açıqlamasında bildirib ki, hakim “Gürcü Arzusu” partiyası ölkə üzrə bütün 64 bələdiyyədə həm mer, həm də bələdiyyə şurası (sakrebulo) seçkilərində qələbə qazanacaq.

“Bütün hallarda Kaxa Kaladze Tbilisi meri seçkilərində birinci turda qalib gələcək. Bundan əlavə, proseslərin indiki gedişinə baxanda, onun üçün 60 faizdən yuxarı nəticə də tamamilə realdır. Əlbəttə, həlledici xalqın iradəsi olacaq, lakin bütün sorğular göstərir ki, xalqın rəğbəti məhz Kaxa Kaladzenin tərəfindədir. Mənim məqsədim isə bəllidir – biz istəyirik ki, bütün 64 bələdiyyədə həm mer seçkilərində, həm də sakrebulo seçkilərində qalib gələk və bu tamamilə realdır. Mən tam əminliklə deyə bilərəm ki, 64-ün 64-də qalib gələcəyik,” – deyə İrakli Kobaxidze vurğulayıb.