Mzia Amağlobelinin məhkəmə prosesində Avropa ölkələrinin diplomatları və etirazçılar iştirak edirlər
“Batumelebi” nəşrinin təsisçisi Mzia Amağlobelinin məhkəmə prosesində iştirak etmək üçün Batumi Şəhər Məhkəməsinə Avropa İttifaqı, Fransa, İsveç, Almaniya, Çexiya, Niderland, Polşa və Litva səfirliklərinin nümayəndələri gəliblər.
InterPress.ge xəbər verir ki, eyni zamanda, məhkəmə prosesində Tbilisidə keçirilmiş aksiyalar zamanı saxlanılmış şəxslərin valideynləri və Gürcüstanın beşinci prezidenti Salome Zurabişvili də iştirak edirlər.
Paralel olaraq, Batumi Şəhər Məhkəməsinin qarşısında Mzia Amaghlobeliyə dəstək verənlər toplaşaraq etiraz aksiyası keçirirlər.
Xatırladaq ki, istintaq Mzia Amaghlobeliyə Gürcüstan Cinayət Məcəlləsinin 353-cü maddəsi ilə – polis əməkdaşına hücum ittihamı irəli sürüb. Bu maddə 4 ildən 7 ilədək azadlıqdan məhrumetmə cəzasını nəzərdə tutur.
Mzia Amaghlobeli 11 yanvar tarixində Batumi Polis İdarəsinin qarşısında keçirilən aksiyada əvvəlcə inzibati qaydada saxlanılıb və təxminən iki saat sonra sərbəst buraxılıb. Lakin azadlığa buraxıldıqdan bir neçə dəqiqə sonra, polis idarəsinin qarşısında o yenidən saxlanılıb. Amaghlobeli Batumi polis rəisi İrakli Dgebuadzeyə sillə vurub və bu hərəkət polisə hücum kimi qiymətləndirilib.
