“Gürcü Arzusu” partiyası Kaxa Kaladzeni Tbilisi meri postuna üçüncü müddətə rəsmi olaraq namizəd kimi təqdim edib.
InterPress.ge xəbər verir ki, təqdimat mərasimi Mtatsminda parkında baş tutub.
Kaladzenin namizədliyini ölkənin baş naziri, partiyanın sədri İrakli Kobaxidze elan edib. Tədbirdə partiyanın qurucusu Bidzina İvanişvili də iştirak edir.
Qeyd edək ki, Kaxa Kaladze daha əvvəl də iki müddət Tbilisinin meri olub və bu, onun ardıcıl üçüncü namizədliyi olacaq.
