Mdinaradze: “Moldova ilə bizi müqayisə edirlər, halbuki orada kasıblıq səviyyəsi 2012-ci illə müqayisədə daha pisdir”

“Bizə Moldovanı nümunə göstərirlər, amma bu ölkədə kasıblıq səviyyəsi keçən il 2012-ci illə – yəni “Milli Hərəkatın” hakimiyyətdə olduğu dövrlə müqayisədə bir faiz daha pis idi və sonra daha iki faiz də artdı.”

InterPress.ge xəbər verir ki, bu sözləri “Gürcü Arzusu” partiyasının icraçı katibi, parlament çoxluğunun lideri Mamuka Mdinaradze bildirib.

Onun sözlərinə görə, MDB üzvü olan Moldova “nümunəvi ölkə” kimi təqdim olunur, Gürcüstanda isə guya demokratiyanın təhlükə altında olduğu deyilir.

“Bizdə kasıblıq səviyyəsi artıq iki-üç ildir ki, ikirəqəmli göstəricidən aşağı düşüb, amma yenə də müqayisə aparılır. Bizə deyirlər ki, MDB üzvü olan Moldova nümunəvi ölkədir. Açığı, bu mövzu haqqında danışmaq belə istəməzdim, amma vaxtilə bizdə “gayşniklərə” 2 və 5 lari verilirdi – ölkə bu gündə idi. Həmin dövrdə deyirdilər ki, demokratiya zirvədədir, Saakaşviliyə “fənər” deyirdilər – bu gün də eyni qiyməti Moldovaya verirlər, bizə isə deyirlər ki, sizdə demokratiya təhlükə altındadır. Bu obyektiv qiymətləndirmədirsə, buyurun, haqlısınız. Bu gözəl, amma şablon ifadələrin heç bir əsası yoxdur. Üstəlik, bizə yazırlar ki, ‘şəffaflıq’ və ‘ailə dəyərləri haqqında’ qanunları ləğv edin – bu nədir? Bu, açıq-aşkar şantaj deyilmi?”, – deyə Mdinaradze “İmedi” telekanalının efirində bildirib.