Nika Qvaramia: “Məhkəmənin qərarı aydın idi, ona görə özüm həbsxanaya gəldim”
“Məhkəmənin qərarı aydın idi, ona görə özüm həbsxanaya gəldim.”
InterPress.ge xəbər veri ki, bu sözləri “Dəyişiklik uğrunda koalisiya”nın lideri Nika Qvaramia Rustavi 12-ci Penitensiar Müəssisəsinin qarşısında açıqlama verərkən deyib.
“Bura özüm gəldim. Aydın idi ki, məhkəmə hansı qərarı qəbul edəcək. Bilirəm, adətən insanları necə aparırlar — qandallarla və polis maşınında. Mən isə üstünlük verdim özüm gəlməyə. Patrula məlumat verdim ki, artıq buradayam. Yəqin ki, məni ya bu, ya da başqa həbsxanaya yerləşdirəcəklər. Qanuna görə bura düşür, amma yenə də, baş verənlər azadlıq uğrunda, Rusiyaya qarşı mübarizədir və buna görə də hamımız hər şeyə hazır olmalıyıq.
Beynəlxalq ictimaiyyət təbii ki, adekvat reaksiya verəcək. Amma əsas qərar gürcü xalqına məxsusdur. 'Gürcü Arzusu'na arzu edirəm ki, daim ağır səhvlər etsin və düşünürəm ki, indi elə bir mərhələdədir ki, ardıcıl səhvlər buraxır. Nə qədər pis hərəkət edərlərsə, bir o qədər tez bitirəcəklər fəaliyyətlərini — bu isə bizim əsas məqsədimizdir.
Mən gözləyirəm ki, oliqarxiya devriləcək və biz yenidən Avropaya doğru gedən ölkə olacağıq və mütləq Avropaya çatacağıq.
Müxalifətin birliyi də çox vacibdir, çünki bu, vətənimiz üçün həlledici anıdır. Heç kimə ağıl vermək fikrim yoxdur, lakin vətən naminə mübarizə hər birimizin borcudur!” – deyə Nika Qvaramia bildirib.
Xatırladaq ki, məhkəmə Nika Qvaramia barəsində əvvəllər təyin olunmuş 30 000 lari girovu həbs tədbiri ilə əvəz edib. O, Gürcüstan Parlamentinin müvəqqəti istintaq komissiyasının çağırışına məhəl qoymadığına görə Cinayət Məcəlləsinin 349-cu maddəsi ilə ittiham olunur. Bu maddə 1 ilədək azadlıqdan məhrumetmə, cərimə və 3 ilədək vəzifə tutma hüququndan məhrumetmə cəzasını nəzərdə tutur.
Qvaramiyaya girovu ödəmək üçün 50 günlük müddət verilmişdi və bu müddət 7 iyunda başa çatmışdı.
