Salome Zurabişvili: Tənqidi televiziyalara senzura tətbiqi İvanişvilinin Rusiyaya bənzər növbəti addımıdır

Tənqidi mövqedə olan iki televiziya kanalına qarşı senzura tətbiqi İvanişvilinin rejiminin Rusiyanın direktivlərinə əməl etməsinin növbəti addımıdır.

InterPress.ge xəbər verir ki, bu barədə Gürcüstanın 5-ci Prezidenti Salome Zurabişvili “X”-də yayımladığı açıqlamada bildirib.

“Qalan iki tənqidi televiziya kanalına senzura tətbiqi – bu, ağır cərimələrə və yayım lisenziyalarının dayandırılmasına zəmin yaradan addımdır. Bu, İvanişvilinin rejiminin Rusiyaya bənzər və onun direktivlərinə tabe olan daha bir yeni addımıdır. ABŞ və Aİ-ni reaksiyaya çağırıram!”, – deyə Zurabişvili qeyd edib.