Türkiyənin Marmaris şəhərində zəlzələ baş verib: ölən və yaralılar var

Türkiyənin Muğla vilayətinin Marmaris şəhərində 5.8 bal gücündə zəlzələ baş verib.

InterPress.ge xəbər verir ki,bu barədə ölkənin daxili işlər naziri Ali Yerlikaya sosial şəbəkədə məlumat yayıb.

Onun sözlərinə görə, yeraltı təkanlar Muğla və ətraf vilayətlərdə hiss edilib, lakin dağıntı qeydə alınmayıb.

Zəlzələ nəticəsində 14 yaşlı Afranur Günlü panik atak keçirərək xəstəxanaya yerləşdirilib, lakin onun həyatını xilas etmək mümkün olmayıb. Nazir bildirib ki, 69 nəfər əsasən hündürmərtəbəli binalardan tullanma səbəbindən müxtəlif dərəcəli bədən xəsarətləri alıb.

Hadisə yerinə təcili yardım və xilasedici qruplar cəlb olunub.