Nika Meliaya 50 min lari girov tətbiq edilib

Gürcüstan parlamentinin Müvəqqəti İstintaq Komissiyasının tələbini yerinə yetirməməkdə təqsirləndirilən Dəyişiklik Koalisiyasının liderlərindən biri Nika Meliaya 50 min lari girov tətbiq edilib.

InterPress.ge xəbər verir ki, sözügedən qərarı Tbilisi Şəhər Məhkəməsinin hakimi Lela Maridaşvili çıxarıb.

O, müttəhimə girov ödəməsi üçün 30 gün vaxt qoyub.

Prokuror Natia Tatiaşvilinin vəsatətində qeyd etdiyinə görə, Melianın gizlənib yeni cinayətlər törətməsi riski var. Prokurorun sözlərinə görə, təqsirləndirilən şəxs keçmiş əməllərinə əsaslanaraq, qanundan irəli gələn öhdəliklərə biganə yanaşır.

Bundan əlavə, prokurorun sözlərinə görə, müttəhimin maddi vəziyyətini araşdırdıqdan sonra belə qənaətə gəliblər ki, 50.000 lari girov Nika Melia-nın ödəyə biləcəyi məbləğdir. 

Müdafiə tərəfi vəsatətlə razılaşmayıb. Nika Melianın vəkili Giorgi Kondaxaşvilinin sözlərinə görə, istintaq komissiyası “təbliğat vasitəsinə” çevrilib. Vəkilin sözlərinə görə, Nika Melia ictimai yerlərdə cinayət törətməyib, çünki “konstitusiyaya zidd olan orqanın müraciəti” cinayət hesab edilə bilməz. Giorgi Kondaxaşvilinin dediyinə görə, qaçmaq təhlükəsi hipotetikdir. Vəkilin sözlərinə görə, Nika Melia keçmişdə heç bir qanun pozuntusuna yol verməyib. Bundan başqa, Kondaxaşvilinin sözlərinə görə, iş üzrə qabaqlayıcı tədbirin tətbiqi üçün nə formal, nə də faktiki əsaslar var.