Türkiyədə baş verən zəlzələ nəticəsində azı 236 nəfər xəsarət alıb

Türkiyədə baş vermiş zəlzələ nəticəsində azı 236 nəfər xəsarət alıb. Hazırda ölənlərlə bağlı məlumat verilməyib.

InterPress.ge xəbər verir ki, by barədə yerli media məlumat yayıb.

Medianın məlumatına görə, xəsarət alanların hamısı xəstəxanalara yerləşdirilib. Onların əksəriyyəti zəlzələ zamanı panikaya düşərək binalardan tullanmağa çalışarkən yaralanıb, çünki yeraltı təkanlar ciddi dağıntılara səbəb olmayıb.

ABŞ Geoloji Xidmətinin məlumatına əsasən, zəlzələnin dərinliyi 10 kilometr olub, episentri isə İstanbuldan təxminən 40 kilometr cənub-qərbdə yerləşib. Zəlzələnin maqnitudası 6.2 bal olaraq qeydə alınıb.