Feridun Sinirlioğlu: Gürcüstanda sabitlik region üçün həyati əhəmiyyət daşıyır

“Biz istəyirik ki, Gürcüstana sübut edək – biz bu ölkədə təhlükəsizliyin gücləndirilməsinə hərtərəfli dəstək verməyə hazırıq və bunun üçün təşkilatımızın sahib olduğu bütün vasitələrdən istifadə etməyə hazırıq,”

InterPress.ge xəbər verir ki, bu sözləri ATƏT-in Baş katibi Feridun Sinirlioğlu Gürcüstanın xarici işlər naziri Maka Boçorişvili ilə birgə keçirdiyi mətbuat konfransında bildirib.

ATƏT-in Baş katibi qeyd edib ki, ATƏT Gürcüstana və regionun digər ölkələrinə də dəstək verir:

“Səxavətli qonaqpərvərliyiniz üçün sizə təşəkkür edirəm. Tbilisidə olmaqdan çox məmnunam. Bu, ATƏT-in Baş katibi kimi Gürcüstana ilk rəsmi səfərimdir. Təbii ki, təşkilatımızın üzvü olan bütün ölkələrin maraqlarına sədaqətlə xidmət edirəm. Qeyd etmək istəyirəm ki, ATƏT Gürcüstana və regionun digər ölkələrinə dəstək göstərməkdə maraqlıdır.

İnsidentlərin qarşısının alınması mexanizmi artıq 60 ilə yaxındır ki, mövcuddur. Bu, dialoqun aparılmasının nə qədər vacib olduğunu dəfələrlə sübut etmiş bir təşkilatdır – xüsusilə də münaqişə şəraitində olan regionlar və ölkələr üçün. Bizim vasitəçilik üçün çoxsaylı mexanizmlərimiz var və bu vasitələri belə hallarda tətbiq edirik. Biz daim münaqişələrin həlli prosesinə cəlb olunmağa çalışırıq. Gürcüstanda sabitlik, həm ölkə xalqı, həm də bütövlükdə regionun maraqları üçün həyati əhəmiyyət daşıyır. Bu baxımdan biz Gürcüstanla artıq on illərdir sıx əməkdaşlıq edirik. Bir daha vurğulamaq istəyirəm – biz Gürcüstana sübut etmək istəyirik ki, bu ölkədə təhlükəsizliyin möhkəmləndirilməsində hərtərəfli şəkildə iştirak etməyə hazırıq və bunun üçün bütün resurslarımızı səfərbər etməyə qərarlıyıq,” – deyə Sinirlioğlu bildirib.