Rustavelidə keçirilən aksiyada iki nəfər saxlanılıb

Dünən Rustaveli prospektində keçirilən aksiyada saxlanılan şəxslərin kimliyi açıqlanıb.

InterPress.ge xəbər verir ki, saxlanılanlar Giorgi Ortoidze və Mixeil Samxaradzedir.

“Daitove” qrupunun təsisçisi Nensi Volandin verdiyi məlumata görə, saxlanılanlardan biri – Giorgi Ortoidze – polislərə “Məsih dirildi” dediyi üçün saxlanılıb.

Aktivist Elene Kaixosroşvili isə yazıb:

“Polis bu gün aksiyanı fiziki güclə yoldan uzaqlaşdırdı. Canlı yayımlarda baxıram, böyük səfərbərlik var. Sevinirəm ki, bu qədər şərəfsiz polis Pasxanı evdə keçirmir”.

Hazırda hadisə ilə bağlı əlavə detallar açıqlanmayıb.