Mixeil Ğavelaşvili: Prezident kimi ilk xarici səfərimi Azərbaycana etməyim strateji dostluğumuzun sübutudur

"Prezident kimi ilk rəsmi xarici səfərini Azərbaycana etməsi Gürcüstan və Azərbaycan arasında mövcud olan strateji və xüsusi mehriban qonşuluq münasibətlərinin göstəricisidir."

InterPress.ge xəbər verir ki,  bu barədə Gürcüstan Prezidenti Mixeil Ğavelaşvili Azərbaycan Prezidenti İlham Əliyevlə görüşdən sonra keçirilən birgə mətbuat konfransında bildirib.

“Bu vəzifəyə gəlməyimin ardından Azərbaycana səfərin tezliklə baş tutması mənim üçün xüsusi əhəmiyyət daşıyır”, – deyə Kavelashvili qeyd edib.

Onun sözlərinə görə, iki xalq arasında əsrlərlə formalaşmış dostluq qarşılıqlı hörmətə və milli maraqların nəzərə alınmasına əsaslanır:

“Xalqlarımız arasında əsrlər boyu möhkəm dostluq münasibətləri formalaşıb. Bu, gələcək əməkdaşlığımız üçün etibarlı təməl yaradır. Milli kimliyin qorunması, adət-ənənələrə, mədəniyyətə və tarixə hörmət – bu dəyərləri xalqlarımız xüsusilə qiymətləndirir. Bizim dostluğumuz qarşılıqlı hörmətə və milli maraqlara anlayışla yanaşmağa əsaslanır. Güvənin nə qədər önəmli olduğunu yaxşı bilirik və verilən sözün dəyərini anlayırıq. Biz yazılmamış qanun və dəyərlər sisteminə sahibik – bu da bizi bu günə qədər gətirib.”

Ğavelashvili əlavə edib ki, regionda və dünyada mövcud çağırışlara effektiv cavab vermək üçün bütün sahələrdə sıx əməkdaşlıq xüsusilə önəmlidir.

“Hazırda birgə həyata keçirdiyimiz çoxsaylı layihələr regionumuzu dünya üçün daha da cəlbedici edir. Cənubi Qafqazın daha rəqabətədavamlı, etibarlı və perspektivli bölgə olması üçün davamlı sülh və sabitlik əsas şərtdir. Xüsusilə vurğulamaq istəyirəm – Gürcüstan və Azərbaycan bir-birinin suverenliyini və ərazi bütövlüyünü qətiyyətlə dəstəkləyir. Bu dəstəyə görə cənab Prezidentə bir daha təşəkkürümü bildirirəm. Gürcüstan daima Azərbaycanın ərazi bütövlüyünün və suverenliyinin möhkəm tərəfdarı olub”, – deyə Gürcüstan Prezidenti bildirib.