Giorgi Gaxariya parlamentin müvəqqəti istintaq komissiyasının iclasında dinlənilir

Bu gün parlamentin müvəqqəti istintaq komissiyasının iclasında sabiq baş nazir, “Gaxariya – Gürcüstan naminə” partiyasının sədri Giorgi Gaxariya dinlənilir.

InterPress.ge xəbər verir ki, o, bir qədər əvvəl parlament binasına daxil olub.

İclasın gündəliyinə əsasən, Gaxariya ilə onun Gürcüstanın daxili işlər naziri və baş nazir vəzifələrində fəaliyyəti, o cümlədən 2019-cu il 20 iyun hadisələri ilə bağlı qəbul etdiyi qərarlar müzakirə olunacaq.

Giorgi Gaxariya iclas başlamazdan əvvəl jurnalistlərə şərh verməkdən imtina edib və suallara komissiya iclası başa çatdıqdan sonra cavab verəcəyini bildirib.