İrakli Kobaxidze Azərbaycan Prezidenti İlham Əliyevlə görüşüb

Gürcüstanın Baş naziri İrakli Kobaxidze Azərbaycan Respublikasının Prezidenti İlham Əliyevlə görüş keçirib.

InterPress.ge xəbər verir ki, bu barədə məlumatı Gürcüstan Hökumət Administrasiyasının mətbuat xidməti yayıb.

Bildirilib ki, görüş Türkiyənin Antalya şəhərində keçirilən Diplomatiya Forumu çərçivəsində baş tutub. Tərəflər bir daha Gürcüstan və Azərbaycan arasında strateji tərəfdaşlığın müsbət inkişaf dinamikasına və müxtəlif sahələrdə əməkdaşlığın dərinləşdirilməsi perspektivlərinə diqqət çəkiblər.

“Regionda sülh və sabitliyin təmin olunması istiqamətində birgə səylərin vacibliyi bir daha xüsusi olaraq vurğulandı”, – deyə məlumatda qeyd olunur.