Tramp: Putinlə danışıqlarda Ukraynaya yardımı müzakirə etmədik

Rusiya Prezidenti Vladimir Putinlə danışıqlarda Ukraynaya yardım məsələsi müzakirə olunmayıb.

InterPress.ge xəbər verir ki, bu barədə ABŞ Prezidenti Donald Tramp bəyan edib.

“Biz yardım barədə danışmadıq, ümumiyyətlə bu mövzuda heç bir müzakirə aparmadıq. Çox şey müzakirə etdik, lakin yardım heç vaxt gündəmdə olmayıb”, – deyə Tramp Fox News-a müsahibəsində bildirib.

Xatırladaq ki, dünən ABŞ və Rusiya prezidentləri arasında telefon danışığı baş tutub. Bu söhbətdən sonra Kreml bəyanat yayaraq bildirdi ki, münaqişənin eskalasiyasının qarşısını almaq və onun siyasi-diplomatik yolla həlli üçün əsas şərt Kiyevə xarici hərbi yardımın və kəşfiyyat məlumatlarının tamamilə dayandırılması olmalıdır.