Rusiyanın işğalçı qüvvələri Qori bələdiyyəsi yaxınlığında üç Gürcüstan vətəndaşını qanunsuz saxlayıblar

Rusiya işğalçı qüvvələrinin nümayəndələri Qori bələdiyyəsinin Flavismani kəndi yaxınlığında üç Gürcüstan vətəndaşını qanunsuz olaraq saxlayıblar.

InterPress.ge xəbər verir ki, bu barədə Gürcüstan Dövlət Təhlükəsizliyi Xidməti (DTX) məlumat yayıb.

Qurumun açıqlamasına əsasən, saxlanılan şəxslərdən biri artıq martın 11-də azad edilib və hazırda Gürcüstanın mərkəzi hökumətinin nəzarət etdiyi ərazidə yerləşir. Lakin digər iki vətəndaş hələ də qanunsuz həbsdə qalır.

“Hadisə ilə bağlı məlumat əldə edildikdən dərhal sonra Dövlət Təhlükəsizliyi Xidməti Avropa İttifaqının müşahidə missiyasının vasitəçiliyi ilə fəaliyyət göstərən ‘qaynar xətti’ aktivləşdirdi.

Məlumat eyni zamanda Cenevrə beynəlxalq danışıqlarının həmsədrlərinə və beynəlxalq tərəfdaşlara ötürüldü. Qanunsuz saxlanılan Gürcüstan vətəndaşlarının ən qısa zamanda azadlığa buraxılması üçün bütün mövcud mexanizmlər işə salınıb.

Gürcüstanın işğal altında olan ərazilərində və işğal xətti boyunca baş verən bütün destruktiv hərəkətlərə görə məsuliyyət tam şəkildə işğalçı qüvvələrin üzərinə düşür”, – deyə DTX-nin məlumatında qeyd olunur.