Batumi məhkəməsində Mziya Amaglobelinin məhkəmə prosesi başlamazdan əvvəl gərginlik yaşanıb

Batumi Şəhər Məhkəməsində “Batumelebi” və “Netgazeti” nəşrlərinin təsisçisi Mziya Amaglobelinin məhkəmə prosesi başlamazdan əvvəl gərginlik yaşanıb.

InterPress.ge xəbər verir ki, məhkəmə binasının qarşısına toplaşanlar onun azadlığa buraxılmasını tələb edirlər.

" Mziya Amaglobeliyə azadlıq !”, “Rejim məhbuslarına azadlıq!”, “Oliqarxiyaya son!” kimi şüarlar səsləndirilib.

“Mziya Amaglobeli azad edilməlidir. O, qanunsuz həbs olunmuş və rejimin əsirinə çevrilmiş bir qadındır. Ümid edirik ki, məhkəmə cəsarət nümayiş etdirəcək və bu gün azad mətbuatın nümayəndəsi olan Mziya Amaglobelini azad edəcək”, – etirazçılar bildiriblər.