Salome Zurabişvili "Analar Marşı"na qoşuldu

Gürcüstanın beşinci prezidenti Salome Zurabişvili Filarmoniya Böyük Konsert Salonunun yaxınlığında keçirilən "Analar Marşı"na qoşulub.

InterPress.ge xəbər verir ki, Zurabişvili bildirib ki, o, yalnız yürüş parlament binasına çatdıqda rəsmi açıqlama verəcək.

"Analar Marşı" "Bu, mənim övladımdır, əlini çək!" şüarı ilə keçirilir. Yürüş iştirakçıları müxtəlif məzmunlu plakatlar, Gürcüstan və Avropa İttifaqının bayraqları ilə tədbirə qatılıblar. Onlar "Oliqarxiyaya od vurun!" və "Rejimin girovlarını azad edin!" kimi şüarlar səsləndirirlər.

Bu yürüş bu gün, Ana Günü ilə əlaqədar olaraq təşkil edilib. Aksiyalar zamanı saxlanılan şəxslərin anaları, ailə üzvləri və onların tərəfdarları yürüşdə iştirak edirlər.

Yürüş Filarmoniya ərazisindən qanunverici orqana doğru davam edəcək və 96 gündür fasiləsiz davam edən böyük etiraz aksiyasına qoşulacaq.