Parlamentin Hüquq Məsələləri Komitəsində “Xarici Agentlərin Qeydiyyat Aktı” müzakirəyə çıxarılacaq

 Sabah, Parlamentin Hüquq Məsələləri Komitəsi “Xarici Agentlərin Qeydiyyat Aktı” layihəsini birinci oxunuşda müzakirə edəcək.

InterPress.ge xəbər verir ki,layihənin təşəbbüskarlarının bildirdiyinə görə, təqdim edilən sənəd ABŞ-da qüvvədə olan FARA-nın (Xarici Agentlərin Qeydiyyat Aktı) birbaşa, sözbəsöz tərcüməsidir.

Lakin parlamentin hüquq departamenti layihənin təqdim edilməsi zamanı qeyd edib ki, qanunun gürcü dilinə tərcüməsi hüquqi və məzmun baxımından qeyri-dəqiqliklər ehtiva edir və sənəddə nəzərdə tutulmuş dövlət qurumları və vəzifəli şəxslər Gürcüstan reallığına uyğun deyil.

Qanun layihəsi əsasən aşağıdakı məsələləri tənzimləyir:
    •    Xarici prinsipalın agenti və xarici qüvvə anlayışlarının müəyyən edilməsi;
    •    Subyektin xarici prinsipalın agenti kimi qeydiyyata alınması;
    •    Qeydiyyat üçün müraciət və digər sənədlərin ictimaiyyətə açıq olması;
    •    Qeydiyyatdan keçmiş agentlərin hər il maliyyə bəyannaməsi təqdim etməsi;
    •    Qeydiyyatdan çıxarılma prosedurları;
    •    Xarici agentlərin monitorinqi və qanunda nəzərdə tutulmuş tələblərin yerinə yetirilməsinə nəzarət mexanizmləri;
    •    Qeydiyyatdan yayınan və ya qanunda nəzərdə tutulmuş öhdəlikləri yerinə yetirməyən şəxslər üçün cinayət məsuliyyətinin müəyyən edilməsi.

Qanun layihəsinin təşəbbüskarları “Gürcü Arzusu” və “Xalqın Gücü” partiyasının deputatlarıdır.