Polşada internet dələduzluğuna görə Gürcüstan vətəndaşı saxlanılıb

Polşada internet dələduzluğuna görə Gürcüstan vətəndaşı saxlanılıb.

InterPress.ge xəbər verir ki, bu barədə yerli media məlumat yayıb.

Polis orqanlarının verdiyi məlumata görə, 29 yaşlı gürcü vətəndaşı saxta link vasitəsilə yükdaşıma haqqı ilə bağlı mesaj göndərib. Bunun nəticəsində o, zərərçəkmişin internet bankına giriş əldə edərək 8 000 Polşa zlotisini (təxminən 2 000 ABŞ dolları) mənimsəyib.

Gürcüstan vətəndaşı artıq polis tərəfindən saxlanılıb. Lübartov rayon məhkəməsi ona qarşı üç aylıq həbs-qətimkan tədbiri seçib. Saxlanılan şəxsə qarşı 8 ilədək azadlıqdan məhrumetmə cəzası gözlənilir.