Salome Zurabişvili yeni seçki planını açıqladı

Gürcüstanın beşinci prezidenti Salome Zurabişvili sosial şəbəkədə yeni seçkilərlə bağlı planını təqdim edib.

InterPress.ge xəbər verir ki, o, "Gələcək plan – Yeni seçkilər" başlıqlı paylaşımında seçkilərin keçirilməsi üçün atılmalı olan əsas addımları qeyd edib.

Yeni Seçkilərin 5 əsas prinsipi:

1️⃣ Seçki şərtlərinin müəyyən edilməsi – şəffaf və demokratik seçkilərin keçirilməsi üçün hüquqi və texniki bazanın hazırlanması.

2️⃣ Seçki komissiyalarının və müşahidəçilərin hazırlanması – seçki prosesinin obyektivliyini təmin edəcək güclü nəzarət sisteminin yaradılması.

3️⃣ Beynəlxalq tərəfdaşların iştirakı ilə seçki təhlükəsizliyinin təmin edilməsi – seçkilərin saxtalaşdırılmasının qarşısının alınması üçün Avropa və beynəlxalq təşkilatların aktiv iştirakı.

4️⃣ Yeni seçkilərə siyasi qüvvələrin koordinasiyası – siyasi partiyalar arasında əməkdaşlıq və ortaq hədəflərin müəyyən edilməsi.

5️⃣ Birləşdirilmiş seçki proqramı – “Gürcü Xartiyası” – əsas prioritetlər:

Siyasi məhbusların azad edilməsi;

“Rus qanunlarının” ləğvi;

Müstəqil və ədalətli məhkəmə sisteminin bərpası.

Salome Zurabişvili vurğulayıb ki, bu plan Gürcüstanın demokratik və Avropaya inteqrasiya olunmuş gələcəyini təmin etmək məqsədini daşıyır. O, seçkilərin beynəlxalq nəzarət altında keçirilməsinin vacibliyini qeyd edərək, bütün siyasi qüvvələri vahid məqsəd ətrafında birləşməyə çağırıb.