Gürcüstanın Müdafiə Qüvvələri Qərbi Gürcüstandakı qar fəlakətindən zərərçəkənlərə yardım prosesinə qoşulur

Qərbi Gürcüstanda güclü qar yağışı nəticəsində zərər çəkmiş əhaliyə yardım prosesinə Gürcüstanın Müdafiə Qüvvələri də qoşulacaq.

InterPress.ge xəbər verir ki. bnunla bağlı göstərişi Gürcüstanın Baş naziri İrakli Kobaxidze verib.

Hökumət Administrasiyasının məlumatına görə, qeyri-sabit hava şəraitinin yaratdığı problemlərin həlli üçün yerli hakimiyyət orqanlarının nümayəndələri və müvafiq xidmətlər fövqəladə rejimdə çalışırlar. Məqsəd vətəndaşların ehtiyaclarını mümkün qədər qısa müddətdə qarşılamaqdır.

Hazırda bölgədə qarın təmizlənməsi, elektrik enerjisi və digər vacib infrastrukturun bərpası istiqamətində intensiv işlər aparılır.