Niderland Xarici İşlər Naziri: “Gürcüstanda yeni seçkilərin keçirilməsi müzakirə olunmalıdır”

Niderlandın xarici işlər naziri Kaspar Veldkamp Gürcüstanda yeni seçkilərin keçirilməsinin vacibliyini vurğulayıb.

InterPress.ge xəbər verir ki,  o, Brüsseldə Avropa İttifaqının xarici işlər nazirlərinin görüşündən əvvəl jurnalistlərə açıqlama verib və bildirib ki, seçkilər öncəsi və seçki dövründə bir çox pozuntu halları qeydə alınıb.

“Düşünürəm ki, Gürcüstan hökuməti yeni seçkilərin keçirilməsini nəzərdən keçirməlidir və bu, çox vacib məsələdir. Niderland Gürcüstan xalqını dəstəkləyir və bu dəstəyi davam etdirəcək”, - deyə Kaspar Veldkamp bildirib.

Qeyd edək ki, Avropa İttifaqının xarici işlər nazirləri bu gün Gürcüstandakı siyasi vəziyyəti müzakirə edirlər.