Salome Zurabişvili ictimaiyyətə müraciət etdi: "25 fevralda yeni işğala və rus rejiminə yox deyək!"

Gürcüstanın beşinci prezidenti Salome Zurabişvili vətəndaşlara müraciət edib.

InterPress.ge xəbər verir ki, Zurabişvili 25 fevralda Rusiyanın təsirinə qarşı birgə mövqe bildirməyə çağırıb.

Prezidentin yayımladığı videomüraciətdə vurğulanıb ki, Gürcüstan cəmiyyəti bu tarixi günündə yeni işğala və rus təsirinə qarşı durmalıdır.

"Hamımız 1921-ci ilin 25 fevralını xatırlayırıq və nə baş verdiyini bilirik. 25 fevralda hamımız birgə çıxacağıq və 'Yeni işğala yox!', 'Rus rejiminə yox!' deyəcəyik." – deyə Zurabişvili bildirib.

Onun sözlərinə görə, bu gün Gürcüstan öz azadlığını qorumaq üçün birlik nümayiş etdirməlidir.