Putin: "Trampla görüşmək istərdim, amma əvvəlcə əsas məsələlər razılaşdırılmalıdır"

"Trampla görüşməkdən məmnun olaram, amma təkcə görüş kifayət deyil. Əsas məsələlərin işlənib hazırlanması lazımdır."

InterPress.ge xəbər verir ki, bu barədə Rusiya prezidenti Vladimir Putin, Donald Trampla görüş barədə danışarkən deyib. 

O qeyd edib ki, Rusiya Ukrayna ilə danışıqlar masasına qayıtmağa hazırdır, lakin Moskva ilə əlaqələri dayandıran tərəf Rusiya yox, qarşı tərəf olub.

"Biz heç vaxt Avropa və ya Ukrayna ilə dialoqdan imtina etməmişik, məhz onlar bizimlə əlaqələri dayandırdılar," – deyə Putin əlavə edib.

Bununla yanaşı, Rusiya lideri bildirib ki, ABŞ ilə dialoq üçün vasitəçilərə ehtiyac yoxdur və iki ölkə arasında birbaşa danışıqlar mümkündür.

O, həmçinin Səudiyyə Ərəbistanında keçirilən danışıqlardan razı qaldığını və ABŞ nümayəndə heyətinin əvvəlki danışıqlardan fərqli olaraq daha obyektiv yanaşdığını vurğulayıb.

"Bu dəfə ABŞ-ın danışıqlarda tamamilə başqa heyəti var idi – nə məkir, nə də öncədən qərəzlə formalaşmış yanaşma," – deyə Putin qeyd edib.

Putin Trampla mümkün görüşün vaxtı ilə bağlı konkret tarix göstərməyib.