Qardabanidə biznesmenin avtomobili yandırıldı – FOTO

Qardabani rayonunda naməlum şəxslər biznesmenin avtomobilini yandırıb.

InterPress.ge xəbər verir ki, ilkin məlumatlara görə, bu hadisə pul tələb etmə cəhdi ilə əlaqəli ola bilər.

Hazırda hadisə yerində hüquq-mühafizə orqanlarının əməkdaşları istintaq aparırlar.

Gürcüstanın Daxili İşlər Nazirliyindən (DİN) bildirilib ki, faktla bağlı Gürcüstan Cinayət Məcəlləsinin 187-ci və 181-ci maddələri üzrə araşdırma aparılır. Bu maddələr əmlakın qəsdən məhv edilməsi və ya zədələnməsi, həmçinin pul tələb etmə cinayətlərini nəzərdə tutur.

Hadisənin detalları və təqsirkar şəxslərin müəyyən edilməsi istiqamətində istintaq davam edir.