Kobaxidze: “Trampın maliyyə dəstəklərini dayandırması Gürcüstan demokratiyası üçün mühüm addımdır"

Gürcüstanın Baş naziri İrakli Kobbaxidze, jurnalistlərə açıqlamasında, Tramp administrasiyasının ölkədə vəziyyəti qarışdırmaq, iğtişaş yaratmaq və inqilab törətmək məqsədilə verilən maliyyə dəstəklərinin dayandırılmasına dair qərarını müsbət qiymətləndirib. 

InterPress.ge xəbər verir ki, Baş nazirin sözlərinə görə, bu qərar "radikal müxalifət üçün qara bir gün" və "Gürcüstan demokratiyası üçün çox yaxşı bir inkişafdır".

O, əlavə edib ki, belə bir maliyyə dəstəyi dayandırılmalıdır, çünki o, yalnız ölkədə qeyri-sabitlik yaratmağa yönəlib. Kobaxidze, Tramp administrasiyasının verdiyi qərarı çox vacib hesab edərək, bunun yalnız 3 aylıq bir dayandırma olmasını arzuladığını da vurğulayıb.

"Biz şəffaflıq haqqında qanun qəbul etmişik, amma şəffaflıqla bağlı bizdən çox başqaları narahatdır. Bununla yanaşı, Trampın administrasiyası, ölkədə vəziyyəti pozmağa və iğtişaşlar yaratmağa yönəlik bütün maliyyə dəstəklərinin dayandırılması qərarını qəbul edib. Bu, radikal müxalifət üçün çox pis bir gündür, amma Gürcüstanın demokratiyası üçün çox yaxşı bir inkişafdır. Ümid edirik ki, bu yalnız üç aylıq bir dayandırılma olmayacaq. Vəziyyətin pozulmasına, iğtişaşların yaradılmasına və inqilabın təşviqinə yönələn bütün maliyyə dəstəkləri dayandırılmalıdır və biz Trampın administrasiyasına belə bir qərar verdiyi üçün təşəkkür etməliyik," - deyə baş nazir bildirib.