Slovakiyada Dövlət çevrilişi təhlükəsi: Baş Nazir Təhlükəsizlik Şurasını təcili iclasa çağırdı

Slovakiyanın baş naziri Robert Fico ölkədə dövlət çevrilişi təhlükəsinin olduğu barədə xəbərdarlıq edərək, bu məsələ ilə bağlı Təhlükəsizlik Şurasının təcili iclasını çağırıb.

InterPress.ge xəbər verir ki, bu barədə "Deutsche Welle" məlumat yayıb.

Fico bildirib ki, xüsusi xidmət orqanları onlara xəbərdarlıq edib ki, "xarici ekspertlərin" iştirakı ilə Ukrayna və Gürcüstanda baş vermiş "rəngli inqilablar"ın analoqu olaraq, dövlət çevrilişi təhlükəsi mövcuddur. 

"Yerli planlara əsasən, küçələrdə etiraz aksiyalarının keçirilməsi və inzibati binaların işğalı ilə Slovakiyanın qanuni hökumətini devirmək məqsəd qoyulub", - deyə Fico əlavə edib.