Avropa Parlamenti Gürcüstandakı siyasi qarışıqlığı müzakirə edəcək

Avropa Parlamenti gələn həftə Gürcüstandakı siyasi qarışıqlıqla bağlı müzakirələr keçirəcək. 

InterPress.ge xəbər verir ki, bu barədə məlumatı Avropa Parlamentinin mətbuat xidməti yayıb.

Gələn həftəki iclasın gündəliyində qeyd olunur ki, Avropa Parlamenti "Gürcüstanda mövcud siyasi qarışıqlıq və Belarusdakı repressiyalar" mövzusunda debatlar təşkil edəcək. 

Bildirilir ki, Belarusla bağlı qətnamə üzrə də səsvermə keçiriləcək.

"Azadlıq Radiosu"nun Avropa bürosunun redaktoru Rikard Yozvyakın məlumatına görə, Gürcüstan üzrə debatlar 21 yanvarda keçiriləcək, Gürcüstanla bağlı qətnamə üzrə səsvermə isə fevral sessiyasının ilk iclasında baş tutacaq.