Avroparlamentari: Biz parlament seçkilərinin və parlamentin də qeyri-legitim olması mövqeyini tamamilə dəstəkləyirik

"Biz parlament seçkilərinin və indiki parlamentin də qeyri-legitim olması mövqeyini tamamilə bölüşürük və prezident Salome Zurabişvilini tam dəstəkləyirik."

InterPress.ge xəbər verir ki, bu barədə  Avropa Parlamentinin litvalı deputatı Dainius Jalimas Tbilisidə jurnalistlərə bildirib. 

"Biz vətəndaş cəmiyyəti və gürcü demokratik qüvvələri ilə mümkün əlaqələrin yollarını müzakirə etdik. Həmçinin, biz parlament seçkilərinin qeyri-legitim olması, indiki parlamentin də qeyri-legitim olması mövqeyini tam bölüşürük və prezident Salome Zurabişvilinin gürcü xalqını təmsil edən yeganə legitim institut kimi onun vəzifəsinə qanuni hüququnu tam dəstəkləyirik. Təbii ki, müzakirə olunacaq çoxlu məsələlər var, gələcəkdə necə əməkdaşlıq etmək, qaçılmaz yeni seçkilərlə bağlı qərarın qəbulunu necə asanlaşdırmaq olar, bu, həqiqi beynəlxalq nəzarət altında olmalı və bütün Avropa standartlarına seçki prinsiplərinə uyğun olmalıdır"- Dainius Jalimas bildirib.

Parlament üzvü Avropa İttifaqının Bidzina İvanişviliyə qarşı sanksiyalar tətbiq etməsi ilə bağlı sualı da cavablandırıb.

“Bildiyiniz kimi, təəssüf ki, Avropa İttifaqında qərarların qəbulu yekdillikdən asılıdır və düşünürəm ki, bu, vaxt aparacaq, lakin bu, xüsusilə ABŞ hökumətinin dünənki qərarından sonra qaçılmazdır”, - avropalı parlamentari bildirib.