Avropa Şurasının iclasında Gürcüstan məsələsi müzakirə olunacaq

Aİ liderləri bu gün Brüsseldə görüşəcək və digər məsələlərlə yanaşı, Gürcüstan haqqında da danışacaqlar.

InterPress.ge xəbər verir ki, bu barədə Avropa İttifaqı məlumat yayıb.

"Konkret hadisələri nəzərə alaraq, Avropa İttifaqının liderləri xarici siyasətin konkret məsələlərini, o cümlədən Gürcüstan və Moldovada baş verənləri müzakirə edə bilərlər", - məlumatda qeyd olunur.

Bundan əlavə, Aİ liderləri bugünkü görüşdə Ukrayna, Yaxın Şərq, miqrasiya və xarici siyasətlə bağlı digər məsələləri də müzakirə edəcəklər.
Görüşə artıq Brüsseldə olan Ukrayna prezidenti Vladimir Zelenski dəvət olunub.