Hökümət: Gürcüstan hökümətinin Litva və Estoniya hökumətlərinin anti-Gürcüstan qərarına qarşı çıxmaq hüququ var

"Gürcüstan hakimiyyətinin Litva və Estoniya hökumətlərinin anti-Gürcüstan qərarına qarşı çıxmaq hüququ və imkanı var."

InterPress.ge xəbər verir ki, bu barədə Gürcüstan hökumətinin Litva və Estoniyanın Gürcüstan vətəndaşlarına, o cümlədən baş nazirə qarşı sanksiyalar tətbiq etməsinə cavab olaraq bəyanatında deyilir.

"Məlum olduğu kimi, Litva və Estoniya hökumətləri Gürcüstan hökumətinin iyirmi nümayəndəsinə, o cümlədən Gürcüstanın baş nazirinə qarşı sanksiyaların tətbiqi barədə qərar qəbul ediblər.
 Gürcüstan hakimiyyətinin Litva və Estoniya hökumətlərinin anti-Gürcüstan qərarına qarşı çıxmaq hüququ və imkanı var. Lakin Litva və Estoniya xalqına hörmətimizə görə belə bir addım atmağı məqsədəuyğun hesab etmirik. Gürcü, Estoniya və Litva xalqları arasında ənənəvi dostluğa xələl gətirməmək üçün hər iki dövlətlə birtərəfli dostluq rejimində qalmaq bizim qərarımızdır.

Hamıya məlumdur ki, Estoniya və Litva bu gün Avropa İttifaqında ən məhdud suverenliyə malik olan və hökumətləri öz xalqının mənafeyinə uyğun deyil, xarici administrasiyaların diktəsi ilə hərəkət edən ölkələrdir. Adıçəkilən dövlətlərin hökumətlərinin öz ləyaqətinə zidd addımlar atmağa məcbur olmasının əsas səbəbi də budur. Çox təəssüf ki, 33 illik müstəqillik tarixinə baxmayaraq, Litva və Estoniya hakimiyyətləri sovet təfəkküründən qurtula bilməyiblər.

Dost Estoniya və Litva xalqlarımıza suverenliyin möhkəmlənməsini və 2025-ci ildə ən yaxşısını arzulayırıq!