“Gürcü arzusu”nun ofisində prezidentliyə namizədlə bağlı siyasi şuranın iclası keçirilir

“Gürcü arzusu” prezidentliyə namizədlə bağlı məsləhətləşmələr aparır.

InterPress.ge xəbər verir ki, bu məqsədlə hazırda partiyanın ofisində siyasi şuranın iclası davam edir və ondan sonra çoxluq sessiyası başlayacaq.

Saat 11:00-da elanın verilməsi planlaşdırılır.

Məlumat üçün bildirək ki, prezident seçkiləri dekabrın 14-nə təyin edilib. Prezidentin andiçmə mərasimi seçkilərin üçüncü bazar günü - dekabrın 29-da baş tutacaq.