XI çağırış parlament 150 üzvün hamısının səlahiyyətlərini tanıdı

XI çağırış 150  parlament üzvünün hamısını səlahiyyətli kimi tanıdı.

InterPress.ge xəbər verir ki, müvəqqəti mandat komissiyası seçilmiş 150 üzvün sənədlərinin qaydasında olduğunu təsdiqləyib.

Komissiyanın rəhbəri seçilmiş deputatların vahid siyahısını oxuyub, sonra səsvermə keçirilib.

“Gürcü arzusu”nun 88 üzvü parlamentin 150 deputatının səlahiyyətini tanıyıb.

Səlahiyyətlər elan edildikdən sonra “Gürcü arzusu” partiyasının deputatları ölkəyə sədaqət andı içib, sonra Gürcüstanın dövlət himni səsləndirilib.
Andiçmə mətnini MSK sədri oxuyub:

Mən bir nümayəndə və onun qarşısında cavabdeh bir şəxs kimi Allah və xalq qarşısında bəyan edirəm ki, millət vəkilinin hüquq və vəzifələrini sədaqətlə yerinə yetirəcəyəm.Mən konstitusiya quruluşunun, ölkənin müstəqilliyinin, birlik və bütövlüyünün, xalqın mənafeyinin, vətəndaşların hüquq və azadlıqlarının, Gürcüstanın qüdrətinin qorunmasına xidmət edəcəm.

Millət vəkilləri andın mətnini oxuduqdan sonra: “And içirəm” deyiblər. Onlar da andın mətnini imzalamalıdırlar.