Avropa İttifaqı Gürcüstana “texniki missiya” göndərəcək

“Azadlıq” radiosunun Brüssel bürosunun redaktoru Rikard Jozviakın sözlərinə görə, Aİ xarici işlər nazirlərinin qərarı məlum olub.

InterPress.ge xəbər verir ki, onun sözlərinə görə, Avropa İttifaqı Komissiyasının “texniki missiyası” Gürcüstana gələcək. 

"Avropa İttifaqının xarici işlər nazirləri Gürcüstanla bağlı məsələni müzakirə ediblər. EEAS/Aİ Komissiyasının rəsmilərindən ibarət "texniki missiya" ölkəyə gedəcək.  Aİ-nin Cənubi Qafqaz üzrə xüsusi nümayəndəsinə daha geniş mandat verilə bilər. DTİHB vəziyyətlə bağlı Aİ rəsmilərinə məlumat verəcək”, - deyə o yazıb. 

Məlumat üçün bildirək ki, bu gün Brüsseldə Aİ xarici işlər nazirlərinin görüşü keçirilib və burada əsas müzakirə mövzularından biri Gürcüstan olub.

Liderlər tərəfindən verilən qərar günün sonunda Cozef Borelin brifinqindən ətraflı məlum olacaq. Bundan əvvəl Avropa Şurası bəyanat yayaraq, Aİ-nin gürcü xalqını dəstəkləməyə hazır olduğunu, bununla belə, Gürcüstan hökumətinin hərəkətlərindən narahat olduğunu bildirib.