Baş nazir müşahidə missiyalarına təşəkkür edib
"Beynəlxalq missiyaların mətbuat konfransında seçkilərin legitimliyi ilə bağlı heç bir şübhə və sual işarəsinin olmadığı açıq şəkildə ifadə olundu, əksinə, bunun rəqabətli seçki olduğu vurğulandı"
InterPress.ge xəbər verir ki, bu barədə Gürcüstanın baş naziri İrakli Kobaxidze beynəlxalq müşahidə missiyalarının keçirdiyi mətbuat konfransı ilə bağlı bildirib.
Onun sözlərinə görə, hökumət ona görə fevral ayından beynəlxalq müşahidə missiyalarını dəvət etməyə başlayıb ki, tamamilə azad, rəqabətli, demokratik seçkilər keçirilsin.
“Müşahidə missiyalarının rəhbərlərinin iştirakı ilə keçirilən mətbuat konfransını dinlədik. Bu mətbuat konfransında seçkinin legitimliyi ilə bağlı heç bir şübhə və sual işarəsinin olmadığı aydın oldu, əksinə, bunun rəqabətli seçki olduğu vurğulandı və ümumilikdə, təbii ki, ümumi qiymət verilən mənzərəni əks etdirir. Seçkilər bütün aspektlərdə seçki prinsiplərinə uyğun rəqabət şəraitində keçdi. Bütün verilən bəyanatlar tamamilə məntiqlidir. Bundan əlavə, vurğulamaq lazımdır ki, çıxış edənlər bu seçkiləri, prosesləri dəyərləndirərkən konkret terminlərdən istifadə edirdilər, onlar seçilmiş hökumətdən danışırdılar, mən dünən seçilmiş hökumətdən sitat gətirirəm, bu, birbaşa olaraq, təbii ki, seçkilərin tam legitim olduğunun tanınması deməkdir. Bu, əlbəttə ki, çox vacibdir.
Beynəlxalq Monitorinq Missiyasına iştiraka görə təşəkkür etmək istərdim. Bilirsiniz ki, biz fevral ayından Gürcüstana beynəlxalq müşahidəçilər dəvət etməyə başlamışıq. Biz müşahidəyə tamamilə açıq idik, çünki tamamilə azad, rəqabətli, demokratik seçkilər keçirmək istəyirdik və açıqlığımız da buna əsaslanırdı, bir daha seçki proseslərində iştirak edən, seçkiləri müşahidə edən hər kəsə təşəkkür edirəm.
Yaxın vaxtlarda MSK seçkilərin nəticələrinə yekun vuracaq, parlamentin ilk iclası keçiriləcək və ölkənin sabit inkişafı davam edəcək ki, bu da hər bir vətəndaşımızın əsas marağıdır”, - deyə o bildirib.
