Zaur Darğallı: Müxalifət seçkilərdə uduzduğunu bilir, ona görə də müəyyən təxribatlar təşkil etməyə çalışacaqlar

“Gürcü Arzusu” partiyasının Marneuli-Qardabani üzrə nümayəndəsi Zaur Darğallı öz siyasi seçimini edib.

InterPress.ge xəbər verir ki, o, 2 saylı seçki məntəqəsində səs verib.

“Bildiyiniz kimi, indiki mərhələdə Marneulidə seçki prosesi sakit mühitdə davam edir. Biz təxribatların olacağını gözləyirik. Müxalifət seçkilərdə uduzduğunu bilir, ona görə də müəyyən təxribatlar təşkil etməyə çalışacaqlar. Mən bu gün sülhə, ölkənin inişafına, ləyaqətə səs verdim. Əminəm ki, Gürcüstan bu gün qalib gələcək. Bu gün tarixi bir gündür, bu gün hamımız səs verməliyik ki, ölkəmiz rahat mühitdə inkişafını davam etdirsin və ləyaqətlə Avropaya üzv olsun”, - deyə Zaur Darğallı bildirib.