Baş nazir siyasi partiyalara çağırış etdi

“Mən bütün siyasi partiyaları MSK-nın təqdim etdiyi seçkilərin nəticələrini tanımağa çağırıram”.

InterPress.ge xəbər verir ki, bunu Gürcüstanın baş naziri İrakli Kobaxidze jurnalistlərə bildirib.

Baş nazirin qeyd etdiyinə görə, bu gün gürcü xalqı nəhayət ki, kollektiv “Milli Hərəkat”a, radikal müxalifətə “yox” deyəcək.

“Mən bütün siyasi partiyaları MSK-nın təqdim etdiyi seçkilərin nəticələrini tanımağa çağırıram. Radikal müxalifətlə bizim aramızda olan əsas fərqlərdən biri də budur. Biz həmişə MSK-nın açıqladığı nəticələri izləyirik, lakin mən müxalifəti 60%-lik nəticə elan olunanda gürcü xalqının nəhayət onları rədd edəcəyini qəbul etməyə çağırıram. Gürcü xalqı nəhayət qaranlıq keçmişə qayıtmaqdan imtina etdi. Müxalifətin şanslarına gəlincə, baxın, heç bir partiya heç bir kütləvi aksiya təşkil edə bilmədi. Nəhayət, birgə toplantı təşkil etdilər və orada da müxalifətdən olan siyasi liderlərdən heç biri səhnəyə çıxmağa cürət etmədi, yaxşı bilirlər ki, nüfuzdan düşüb, gürcü xalqının gözündə nüfuzunu itiriblər. Belə şəraitdə çox ağır məğlubiyyəti qəbul etməli olurlar. Bu gün gürcü xalqı nəhayət ki, kollektiv “Milli Hərəkat”ı, radikal müxalifəti rədd edəcək. Bu gün gürcü xalqının təxminən 60%-i ölkənin dinc inkişafını dəstəkləyəcək”, - İrakli Kobaxidze bildirib.