Bu gün Avropa Parlamentində Gürcüstan məsələsi müzakirə olunacaq

Bu gün Avropa Parlamentinin plenar iclasında Gürcüstanla bağlı məsələ müzakirə olunur.

InterPress.ge xəbər verir ki, Gürcüstanla bağlı bəyanatı Avropa İttifaqının ali nümayəndəsi/Avropa Komissiyasının vitse-prezidenti Cozef Borrel verəcək.

Debatın mövzusu: “Gürcüstanda demokratik geriləmə və siyasi plüralizm təhlükəsi” olacaq.

Avropa Parlamentinin saytında yerləşdirilən məlumata görə, Avropa Parlamentinin deputatları Cozef Borellə birlikdə bu məsələ ilə bağlı cümə axşamına təyin edilmiş qətnaməyə səsvermədən əvvəl Gürcüstanda demokratiyanın pisləşməsini müzakirə edəcəklər.

“Ölkə oktyabrın 26-da keçiriləcək parlament seçkilərinə hazırlaşarkən hakim “Gürcü Arzusu” partiyasının getdikcə avtoritar siyasət yürütməsi, xüsusən də media azadlığı və LGBTQ+ hüquqları ilə bağlı narahatlıqlar artırılıb. Gürcüstana 2023-cü ilin dekabrında Aİ-yə namizəd statusu verilsə də, partiya demokratiya tərəfdarı etirazları yatırdığına və Qərb tərəfindən maliyyələşdirilən media və QHT-ləri “xarici agent” kimi qələmə verən qanunun tətbiqinə görə tənqidlərlə üzləşib. Əgər “Gürcü arzusu” qarşıdan gələn seçkilərdə əhəmiyyətli səs çoxluğu qazanarsa, Gürcüstanda çoxpartiyalı sistemin və siyasi plüralizmin daha da böyük təhlükə altında olacağı qorxusu var”, - Avropa Parlamentinin məlumatında deyilir.