Landsberqis: Gürcüstanın hakim partiyası siyasi müxalifətə və vətəndaş cəmiyyətinə qarşı hədə-qorxu kampaniyasını davam etdirir

Biz Gürcüstanda mövcud vəziyyətdən ciddi narahatıq. Seçkilərə bir neçə həftə qalmış hakim partiya siyasi müxalifətə, vətəndaş cəmiyyətinə və ümumilikdə əhaliyə qarşı hədə-qorxu kampaniyasını davam etdirir.

InterPress.ge xəbər verir ki, bu barədə Litvanın xarici işlər naziri Qabrielius Landsberqis Avropa Şurasının Parlament Assambleyasında çıxışı zamanı deyib.

Onun sözlərinə görə, hakim partiyanın bu hərəkətləri Avropa Şurasının dəyərlərinə uyğun gəlmir.

“Bu, bizim dəyərlərimizə uyğun deyil. Bu, Avropa Şurasının dəyərlərinə uyğun gəlmir. Ona görə də mən bu salonda olan gürcü deputatları və diplomatları məsuliyyəti öz üzərlərinə götürməyə və Gürcüstanın demokratiya, qanunun aliliyi və Avropa yoluna qayıtmasını təmin etməyə çağırıram”, - deyə Qabrielius Landsberqis bildirib.