Kobuleti-Batumi avtomobil yolunda yol-nəqliyyat hadisəsi baş verib - xəsarət alanlar var

Kobuleti-Batumi dolama yolunun Çakvi hissəsində baş verən yol qəzası nəticəsində bir neçə nəfər xəsarət alıb.

InterPress.ge xəbər verir ki, hadisə şahidlərinin sözlərinə görə, yaralılar klinikaya aparılıblar.

Bir neçə minik və yük maşını bir-biri ilə toqquşub. Hadisə ilə əlaqədar Batumi-Kobuleti dolama yolunda nəqliyyatın hərəkəti məhdudlaşdırılıb.

Hadisə yerinə hüquq-mühafizə orqanlarının əməkdaşları səfərbər edilib. Faktla bağlı araşdırma aparılır.