Borjomidə baş verən yanğına 4 helikopter cəlb olundu

Daxili İşlər Nazirliyinin Fövqəladə Halların idarə olunmasl mərkəzinin yanğınsöndürənləri və xilasediciləri Borjomi vadisində, Axaldaba qəsəbəsi yaxınlığındakı meşədə baş vermiş yanğının lokallaşdırılması işlərini intensiv şəkildə davam etdirirlər. Bu gün səhər saatlarından etibarən yanğının söndürülməsi prosesinə sərhəd polisinin 4 helikopteri cəlb olunub.

InterPress.ge xəbər verir ki, bu barədə Daxili İşlər Nazirliyi məlumat yayıb.

Məlumata əsasən, yanğınsöndürənlər və xilasedicilər tərəfindən gecə boyu lokallaşdırma işləri davam etdirilib. Relyef çətin olduğundan yanğın-xilasetmə texnikasını yanğının mərkəzinə gətirmək mümkün olmayıb. Borjomi meşəsində yanğının lokallaşdırılması hələ də davam edir.