Tbilisidə qəzaya düşmüş sərnişin qatarından insanlar təxliyyə edilir - FOTO

Tbilisidə qəzaya düşmüş sərnişin qatarından insanların təxliyyə prosesi həyata keçirilir. İnsanlar başqa qatara köçürülür.

InterPress.ge xəbər verir ki, sərnişinlərdən heç biri xəsarət almayıb.

Fikrebidə baş vermiş qəza ilə bağlı ərazidə əməliyyat-axtarış tədbirləri davam etdirilir.

Xatırladırıq ki, bu yaxınlarda Batumidən gələn sərnişin qatarı işçi platformaya çırpılmış, nəticədə 2 nəfər yerindəcə həlak olmuşdu. Onların hər ikisi Gürcüstan Dəmir Yollarının əməkdaşlarıdır.

Baş vermiş hadisə ilə bağlı Daxili İşlər Nazirliyində Mülki Məcəllənin dəmir yolu nəqliyyatında təhlükəsizlik və ya istismar qaydalarının pozulmasını nəzərdə tutan 275-ci maddəsi ilə araşdırma aparılıb.