Afrikada həftə ərzində meymunçiçəyinə minlərlə insan yoluxub

Afrika ölkələrində insanların meymunçiçəyi xəstəliyinə yoluxma halları artmaqdadır, son həftə ərzində təxminən 4 min hal qeydə alınıb.

InterPress.ge-nin "Associated Press"ə istinadən verdiyi məlumata görə, bu barədə Afrikanın Xəstəliklərə Nəzarət və Qarşısının Alınması Mərkəzi məlumat yayıb.

Mərkəzin baş direktoru Jan Kaseyin sözlərinə görə, epidemiya başlayandan indiyədək yoluxma hallarının ümumi sayı 22,8 minə çatıb. O, qeyd edib ki, son 7 gündə Afrikada 81 nəfər xəstəlikdən ölüb.